Råder barna til å ta over garden, men trur ikkje dei vil
To av tre bønder vil anbefale barna sine å ta over garden. Samstundes svarer 40 prosent at dei trur det er "lite sannsynleg" eller "usannsynleg" at etterkomarane vil gjere det.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Det kan ha mange årsaker, men det har nok noko å gjere med at det er mange moglegheiter her i verda, seier Haavard Elstrand, landbruksdirektør i Hedmark til Nationen.
Han seier at det ikkje er like opplagt i dag at barn skal overta garden etter foreldra, men meiner det er gledeleg at så mange som 67 prosent vil anbefale dei å gjere det.
- Les også: Kortreist mat har eit klimaproblem
Dei mest optimistiske driv med mjølkeproduksjon
Dei mest optimistiske driv med mjølkeproduksjon. Foto: Kyle Spradley/CC BY-NC 2.0
Rapporten frå Hedmark og Oppland viser at hovudproduksjonen på garden også har noko å seie for kor optimistiske bøndene er for framtida.
74 prosent av dei som driv med mjølkeproduksjon meiner det er sannsynleg at nokon i familien vil vidareføre drifta, medan dei som driv med planteproduksjon, inkludert poteter og grønsaker, er mindre optimistiske.
Der trur over halvparten at det er lite sannsynleg at etterkomarane vil overta.
- Les også: Ungdom krev plass i jordbruksoppgjeret
