NVE anbefaler to område for havvindproduksjon
NVE anbefaler to område for oppstart av havvindproduksjon. Det er ingen vesentlege endringar frå konsekvensutgreiinga av havvind i 2012 og 2013, meiner dei.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Dersom det skal opnast to område for fornybar energiproduksjon til havs no, anbefaler NVE utgreiingsområda Utsira nord og enten Sørlege Nordsjø I eller II for opning, heiter det i meldinga frå Noregs vassdrags- og energidirektorat (NVE).
Meldinga frå NVE kjem etter at dei fekk i oppdrag av Olje- og energidepartementet (OED) å vurdere kva to område som bør opnast for produksjon no, og om det har skjedd endringar som påverkar anbefalingane gitt i Havvindrapporten frå 2012 og 2013.
Les også: Vil investere fire milliardar i solcelleproduksjon
Kostnadene på havvind har gått ned
Det har det ifølgje NVE ikkje gjort, men dei opplyser at kostnadane på havvind har gått ned raskare enn det som vart lagt til grunn i konsekvensutgreiinga.
I Havvindrapporten konkluderte NVE med at områda Sørlege Nordsjø I eller II, Utsira nord, Frøyagrunnane og Sandskallen-Sørøya nord skilde seg ut som gode område for vindkraftproduksjon.
