Framleis mange som ikkje får eksamen på nynorsk
Denne artikkelen er eldre enn 1 år gamal. Det betyr at noko av informasjonen kan vere utdatert.
I eksamensperioden i haust er det sendt inn 18 klager til sju lærestadar på vegner av nynorskstudentar som ikkje har fått eksamen på nynorsk.
Det er fleire klager enn i same semester i fjor, skriv Norsk målungdom (NMU) i ei pressemelding.
Nokre av studentane klagar på at kvaliteten på språket i oppgåvetekstane er for låg, men dei fleste studentane som klagar har ikkje fått oppgåvetekst på nynorsk i det heile.
– Det er alvorleg, seier skrivar i Norsk Målungdom, Eline Bjørke, i pressemeldinga.
Ifølgje Mållova har studentane rett på å få eksamen på eige språk.
– Vi ser kvart år at mange studentar ikkje får eksamen på nynorsk, trass i at dei er meldt opp som nynorskstudentar hjå lærestaden sin, seier Bjørke.
Nokre lærestadar skil seg ut i negativ retning. Det gjeld til dømes Det Matematisk-Naturvitskaplege fakultet ved Universitetet i Oslo (UiO). Alle klagene NMU har fått på UiO gjeld eksamenar ved dette fakultetet.
- Sju rettar bør du kjenne til: Dette har du rett til når du skal ha eksamen
