Innvandrarar har dårlegare levekår, men er likevel tilfredse
Innvandrarar har dårlegare levekår enn befolkninga sett under eitt, men er likevel like fornøgd med livet generelt som andre, viser SSBs levekårsundersøking.
![](https://framtida.no/wp-content/uploads/2023/11/NPK-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Statistisk sentralbyrå (SSB) publiserte levekårsundersøking tidlegare i år, men har no sett nærmare på kva tala har gitt av kunnskap om levekår blant innvandrarar i Noreg.
Undersøkinga viser at personar med innvandrarbakgrunn har dårlegare levekår enn gjennomsnittet i befolkninga på område som sysselsetting, arbeidsforhold, bustadstandard, helse og sosial kontakt.
- LES OGSÅ: Innvandrarar har dårlegare løn
Samtidig viser altså undersøkinga at dei synest å vere like fornøgd med livet generelt, bustaden og jobben som andre. Folk med innvandrarbakgrunn har også høg tillit til institusjonar og ei sterk tilhøyring til Noreg.
- LES OGSÅ: Smulane frå bordet vårt