Kjetil jobbar i Google – få hans studietips!
I dag går fristen for å søke høgare utdanning ut. Her får du råd frå Kjetil Ørbekk, som jobbar i Google.
Denne artikkelen er eldre enn 1 år gamal. Det betyr at noko av informasjonen kan vere utdatert.
Kjetil fekk draume-jobben i Google
Er du blant dei som bit negler og riv deg i håret, medan du nistirer på «SØK HER–>»-knappen på Samordna Opptak?
Reknar du poeng om att og om att, medan du lurer på om du skal bli noko kreativt innan media (arbeidsledig), eller kanskje høyre på mor og vert ingeniør eller sjukepleiar (ikkje arbeidsledig)?
I dag går søknadsfristen for høgare utdanning ut, og du må ta eit val.
Norske Kjetil Ørbekk jobbar for Google i New York. Her er hans beste tips for å velje utdanning!
Studerte: Master i datateknologi ved NTNU.
Slik valde eg utdanning: Eg valde det eg trudde var interessant og gøy å studere. Sidan eg var glad i å fikle med datamaskiner allereie då eg var ganske liten, verka det som eit naturleg val.
Råd til dei som slit med å velje: Snakk med studentar, helst innanfor studiane du er interessert i. Prøv å finne mest mogleg informasjon før du tek eit val. Tenk på både studielivet og kva du ønskjer å gjere etterpå.
Difor er høgare utdanning viktig for meg: Eg er veldig glad for at eg kan arbeide med det eg elskar, og det er takka vere utdanning mi.
Les fleire råd frå:
Sjef i AksjeNorge Lene M. Refvik
Kunnskapsministar Torbjørn Røe Isaksen
Faktaboks
Viktige tidsfristar:
15. april: Frist for å søkjaSamordna opptak, der du kan setja opp ti val.
10. mai: Frist for å lasta opp dokumentasjon, som vitnemål og liknande
1. juli: Siste frist for å omprioritera ynskja dine
19. juli: Ledige studieplassar blir lagt ut på Restetorget
20. juli: Du kan søkje på Restetorget
20. juli: Du får svar på hovudopptaket
26. juli: Frist for å svara på hovudopptaket
Kjelde: Samordna opptak
