Frp-arar vil ta imot færre syrarar
To av tre av Frps listetoppar i kommunane meiner kommunen deira må ta imot færre syriske flyktningar enn i fjor.
Denne artikkelen er eldre enn 1 år gamal. Det betyr at noko av informasjonen kan vere utdatert.
Frps listetoppar skil seg ut i Dagens Næringslivs valundersøking for 2015, der listetoppane til partia har svart på om dei meiner kommunane bør ta imot fleire syriske flyktningar enn i fjor, like mange flyktningar som i fjor, eller færre. Over 2.000 kandidatar har svart.
LES OGSÅ: Fleire kommunar vil ta imot flyktningar
Uroa for kommuneøkonomien
Frp-toppane seier ikkje berre nei til å ta imot fleire. 64 prosent av Frp-toppene meiner deira kommune bør ta imot færre syriske flyktningar enn i fjor. Å ikkje ta imot nokon i det heile, var ikkje blant svaralternativa i undersøkinga
Frp-topp i Hobøl, Håvard Jensen, vil ikkje ta imot nokon.
– Kommuneøkonomien er sundbroten, og det er også djupt urettferdig at syriske flyktningar skal få busetjing framfor alle som har sete i årevis i asylmottak, seier Jensen, listetopp for Framstegspartiet (Frp) i Hobøl.
Jensen seier han kan vere med å busetje syrarar om UDI garanterer alle kostnadene lenge etter flyktningtilskotet er utgått.
– For då kjem dei økonomiske utfordringane med familiegjenforeining. Vi er redd dette går ut over tenestetilbodet til den ordinære befolkninga i kommunen, seier han.
Jensen viser til at kommunen har vore på Robek-lista sidan 2003. Det betyr at kommunen har så dårleg økonomi at den er sett under statleg administrasjon. (©NPK)
