Pengepremie for å fullføra VGS på kort tid
Det forslaget kjem frå Sylvi Listhaug (FrP), som vil gi ein bonus til elevar som fullfører vidaregåande på to år. Men forslaget møter motstand.
Denne artikkelen er eldre enn 1 år gamal. Det betyr at noko av informasjonen kan vere utdatert.
Vil gi premie for ekspress-VGS
Fem elevar i Oslo-skulen skal få sjansen til å fullføra vidaregåande skule på to år, i eit forsøksprosjekt som blir starta til hausten. Av 6000 elevar var det berre 12 som søkte om å vera med, og fem av desse kom inn, skriv Osloby.
Forsøket har blitt gjort tidlegare, i Bergen mellom 2009 og 2013 – den gong var det berre halvparten som fullførte.
For å unngå det, vil Sylvi Listhaug (Frp) gi økonomisk motivasjon til elevane som prøver å fullføra VGS på to år, melder NRK. Listhaug er leiar av Frp sitt kunnskaps- og familieutval.
– Dette er eit tiltak som kan vera ein moglegheit for dei til å kunne komma seg raskare gjennom vidaregåande skule og komma seg fortare i jobb, seier Listhaug til NRK. Ho meiner òg elevane som er i stand til å fullføra VGS på to år er oversett i norsk skule.
LES OGSÅ: Noko skurrar i Osloskulen
Skepsis
Forslaget har ikkje blitt møtt med stormande jubel så langt – snarare tvert imot.
– Eg tykkjer ikkje me som statlege myndigheiter skal legga til rette for at det er økonomi i staden for eigen glede over å gi den ekstra innsatsen som skal vera motivasjon for å gå eit slikt løp, seier statssekretær i Kunnskapsdepartementet, Birgitte Jordahl, til NRK.
LES OGSÅ: Elevar med dårlege karakterar mest mobba
