Tøffare krav til toppkarakter
Før fekk fleirtalet av NHH-studentane toppkarakterar. No skal det bli slutt på det.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det har gått inflasjon i gode karakterar ved Norges Handelshøgskole. Dei siste åra har kring halvparten av studentane fått toppkarakteren A på masteroppgåva si.
Høgskulen innfører noe in ny standard, som krev at studentane må skilja seg sterkt ut for å få A på masteroppgåva.
Dei nye karakterkrava er utarbeida av Nasjonalt råd for økonomisk-administrativ utdanning.
LES OGSÅ: Søkarboom for NHH
– Krava til ein A blir skjerpa og klargjort. Toppkarakteren krev no at oppgåva kan skildrast som svært god og framragande. Dette trur me vil innebera at delen som får A går ned, seier NHH-rektor Frøystein Gjesdal til bt.no.
Viss meir enn kvar tredje student får A, kan høgskulen vurdera masteroppgåvene på nytt, og om nødvendig gi lågare karakterar.
