– Eg tykkjer synd på dei som ikkje anar kva dei vil
– Me er heldige og veit kva me vil bli, seier desse elevane som prøvde seg som gravemaskinførarar på yrkesmessa i Hallingdal.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Tykkjer synd på dei som ikkje anar kva dei vil
Saka er henta med velvilje frå Hallingdølen.
Ved gravemaskinsimulatoren er køen lang. Jonas Haugen sit ved spakane og har full kontroll. Dette har han gjort mange gonger før.
– Dette er topp, tykkjer han. Klassekameraten frå Geilo, Henrik Dybsjord, følgjer med frå sida og det same gjer nesningen Anders Warlo Totland.
– Eg vil gjerne ha gravemaskin som jobb, eg søkjer Tip på Ål neste år, fortel Jonas. Det same skal dei to andre.
– Det blir Tip fyrst og så anleggsmaskinførarfaget, fortel Anders Warlo Totland. Dei tre har brukt mykje tid på nettopp denne standen i dag.
– Eg har sett på andre ting også, men dette var best, seier Anders.
Dei tre visste kva dei vil bli lenge før dei kom til yrkesmessa i dag, men slik er det ikkje for alle.
– Eg tykkjer synd på dei som ikkje veit kva dei vil bli. Som berre må begynne på studespesialisering for å prøve å finne ut kva dei vil, seier Anders.
