Ola Svenneby (28) er ny nestleiar i Høgre
Ine Eriksen Søreide tek over som leiar etter Erna Solberg takka for seg i helga.
– I dag vart eg nettopp vald som andre nestleiar i Høgre. Hjarteleg takk for tilliten, skriv Ola Svenneby på Instagram.
Han er ein del av den nye leiinga til Høgre etter partiet sitt landsmøte i helga.
Ine Eriksen Søreide vart vald som ny leiar, Henrik Asheim vart vald som første nestleiar, og Ola Svenneby som andre nestleiar. Ei nyvald Søreide takka for tilliten:
– Eg gler meg veldig til tida framover og er motivert for hardt lagarbeid der vi saman skal utvikle politikken og løfte Høgre.
Ola Svenneby vart valt som leiar av Unge Høgre i 2020 som 23-åring, då han vann ei kampvotering mot innstilte Amalie Gunnufsen.
I forkant av landsmøtet har dei to vore redaktørar for heftet «15 debatter for å gjenreise Høyre» med forskjellige Høgre-politikarar som bidragsytarar.
