Vil ha nynorsk medielinje i Volda

Volda vidaregåande skule jobbar for å få status som landslinje for utdanninga Medium og kommunikasjon med ein tydeleg nynorsk profil.

Dette går fram av ein korrespondanse mellom Volda vidaregåande og Språkrådet, melder Møre-nytt.

– Dette gjer vi blant anna for å gje nye generasjonar gode opplevingar knytt til nynorsk som framtidsspråk, skriv avdelingsleiar for utdanninga Medium og kommunikasjon Jorid Vårdal til Språkrådet.

– Språkrådet tykkjer at dette er eit veldig godt initiativ! svara avdelingsdirektør Marianne Aasgaard.

Ei landslinje betyr at elevar frå heile Noreg kan søkje seg inn, ikkje berre i sitt eige nærområde og det er Kunnskapsdepartementet som avgjer kva tilbod som får slik status.