Desse vann Golden Globe-utdelinga 2024
Oppenheimer slår Barbie og Succession har stor suksess
Blant vinnarane har ein den første anime-filmen som kan skryte av eit trofé, og ein serie om ein gourmet-kokk som driv ei sandwich-sjappe.
I helga gjekk Oppenheimer sigrande ut av Barbenheimer-duellen, med heile fem prisar på Golden Globe-utdelinga. Den prestisjefulle prisen «Beste dramafilm» gjekk til storfilmen, i tillegg til «Beste filmmusikk», «Beste mannlege skodespelar i ein dramafilm», «Beste regissør», og «Beste birolle i ein dramafilm».»
● Les også: Oppenheimer: Den perfekte filmatiseringa av ei sann hending
Barbie stod heller ikkje tomhendt att på slutten av kvelden. Filmen kunne smykke seg med «Beste kinosuksess» og hitsongen «What Was I Made For?» av Billie Eilish fekk pris for beste song.
Margot Robbie fekk ingen eigen Golden Globe i år, men kan glede seg over to prisar til Barbie-filmen. Foto: AP Photo/Chris Pizzello
Alle vinnarar av Golden Globe 2024
- Beste animerte film:
Gutten og hegren (Originaltittel: Kimitachi wa Dō Ikiru ka) - Beste dramafilm:
Oppenheimer - Beste film, komedie eller musikal:
Poor Things - Beste framandspråklege film:
Fritt fall (Originaltittel: Anatomie d’une chute) - Beste filmmusikk:
Ludwig Göransson, Oppenheimer - Beste song:
«What Was I Made For?» av Billie Eilish og Finneas O’Connell, Barbie - Beste kvinnelege skodespelar i ein miniserie:
Ali Wong, Beef - Beste kvinnelege skodespelar i ein dramafilm:
Lily Gladstone, Killers of the Flower Moon - Beste kvinnelege skodespelar i ein film, komedie eller musikal:
Emma Stone, Poor Things - Beste kvinnelege birolle i ein film:
Da’Vine Joy Randolph, The Holdovers - Beste kvinnelege birolle i ein TV-serie:
Elizabeth Debicki, The Crown - Beste kvinnelege skodespelar i ein TV-serie, komedie eller musikal:
Ayo Edebiri, The Bear - Beste kvinnelege skodespelar i ein dramaserie:
Sarah Snook, Succession - Beste mannlege skodespelar i ein miniserie:
Steven Yeun, Beef - Beste mannlege skodespelar i ein dramafilm:
Cillian Murphy, Oppenheimer - Beste mannlege skodespelar i ein film, komedie eller musikal:
Paul Giamatti, The Holdovers - Beste mannlege birolle i ein film:
Robert Downey Jr., Oppenheimer - Beste mannlege birolle i ein TV-serie:
Matthew Macfadyen, Succession - Beste mannlege skodespelar i ein TV-serie, komedie eller musikal:
Jeremy White, The Bear - Beste mannlege skodespelar i ein dramaserie:
Kieran Culkin, Succession - Beste standup på TV:
Ricky Gervais, Armageddon - Beste filmmanus:
Justine Triet og Arthur Harari, Fritt fall (Originaltittel: Anatomie d’une chute) - Best miniserie:
Beef - Beste TV-serie, musikal eller komedie:
The Bear - Beste dramaserie:
Succession - Beste kinosuksess:
Barbie - Beste regissør:
Christopher Nolan, Oppenheimer
Framande filmar vinn fram
Den franskspråklege Anatomie d’une chute (Fritt fall på norsk, eller Anatomy of a Fall på engelsk) vann både beste framandspråklege film og beste filmmanus.
I tillegg vart den japanske teiknefilmen Gutten og hegren, den siste filmen frå studio Ghibli og Hayao Miyazaki, den første anime-filmen som vinn ein Golden Globe.
I sin fjerde og siste sesong av Succession filma dei blant anna i Noreg. Foto: HBO
På seriesida var HBO-suksessen Succession ein overlegen vinnar, med heile fire prisar, men komiserien The Bear sin andre sesong gjorde det også godt med sine tre sigrar.
