«Rage bait» er årets ord ifølgje Oxford-ordboka. | Skjermbilete Oxford University Press og illustrasjonar frå Canva, kollasj av Framtida.no
Oxford Dictionary kårar «rage bait» til årets uttrykk
Den anerkjende og normgivande ordboka Oxford English Dictionary har komme til at «rage bait» vinn tittelen som årets ord, eller uttrykk, i 2025, melder BBC.
Omgrepet blir definert som onlineinnhald som medvite er skapt for å framkalle vreide eller forarging ved å vere frustrerande, provoserande og støytande.
Sjølv om ein ikkje kjenner omgrepet, kan ein stadig oftare bli utsett for effekten i sosiale medium. Rage bait blir brukt på nettet for å auke aktiviteten på nettsider eller i sosiale mediekontoar, heiter det i forklaringa til Oxford.
BBC skriv at uttrykket minner om internettfetteren «clickbait» som betyr at ei overskrift lokkar ein lesar eller sjåar til å opne ein artikkel eller video.
● Les også: Paven fordømmer clickbait
Annonse
