No kan du ta pridetog
SJ Norge set eit eige pridetog på skjenene. Det skal pryde Dovrebanen mellom Oslo og Trondheim.
– I desse dagar går mange i pridetog for å feire den mangfaldige fellesskapen og markere retten til å vere den du er og elske den du vil. I dag har vi fått eit pridetog på skjener som feirar dette mangfaldet og markerer denne retten, sa arbeids- og inkluderingsminister Tonje Brenna (Ap), då ho måndag sende av garde det nye toget.
Tidlegare har SJ Norge markert pride med pins og pride-sjokolade. I år kom ønsket og behovet for å gjere endå meir.
– I ei tid der fleire selskap tek ned arbeidet med mangfald og likeverd, gjer vi i SJ Norge det motsette. Vi løftar pride høgare enn nokon gong, seier direktør for kommunikasjon og marknad Randi Ness.
Ho meiner eit samfunn der alle kjenner seg trygge, same kven dei er, er noko av det viktigaste dei SJ Norge kan jobbe for.
– Det betyr noko å heise flagget, eller å vise regnbogen i juni. Det viser intensjon om kva samfunn vi skal ha – at vi står samla om eit samfunn der alle kan leve frie og trygge liv, seier Dan Bjørke frå Oslo Pride.
