Forbod mot sal av energidrikker til barn kan snart vera på plass
Eit forslag om forbod mot sal av energidrikk til barn under 16 år blir no sendt på høyring.
I 2023 vedtok Stortinget 16 års aldersgrense for kjøp av energidrikker.
– Store mengder koffein for barn under 16 år er direkte helsefarleg. Eg meiner det er rett å verna barn og unge mot dei negative helseeffektane av energidrikk, seier helseminister Jan Christian Vestre (Ap).
Høyringsfristen er 14. juni. Sidan eit forbod allereie er vedteke i Stortinget, håpar Vestre at dette kan innførast så fort høyringsfristen har gått ut.
– Når det er forbode, trur me at dei fleste som driv næring i Noreg er oppteken av å følgja norske lover og reglar. Så vil det kunna vera kontrollar og mekanismar for det, på lik linje med dei andre forboda me har i Noreg, seier han til TV 2, som omtalte saka først.
