Over 700 har søkt plass på lærarutdanningar utan karakterkrav
Over 700 har så langt søkt plass på lærarutdanningar der karakterkrava er borte, viser tal Khrono har henta inn.
![](https://framtida.no/wp-content/uploads/2023/11/NPK-160x160.png)
Nytt av i år er at det etter hovudopptaket har vore mogleg å søkje opptak i mange lærar- og sjukepleieutdanningar, utan å ha karakterkrava på plass. Det har mange altså nytta seg av.
Likevel er dei fleste universiteta og høgskulane bekymra for at dei ikkje klarer å fylle opp lærarutdanningane, skriv Khrono.
– Vi har dessverre ikkje tru på at vi i haust kan fylle opp dei 160 studieplassane våre på grunnskulelærarutdanninga samla sett, men vi kan kanskje fylle enkelte tilbod, seier Morten Ørbeck, dekan for lærarutdanningane ved Høgskolen i Innlandet, til avisa.
Også Universitetet i Søraust-Noreg er usikre på om dei klarer å fylle opp studieplassane for lærarutdanningane. Det same er Universitetet i Agder. Nord universitet opplyser at det framleis er ledige plassar.
Torsdag blir opptakstala publiserte på hovudopptaket fordelte på studium, alder, kjønn, utdanningsområde, lærestad og regionar og poenggrenser for studia i år.