Dette er det nye leiarskapet i NSO
Norsk studentorganisasjon (NSO) har stemt fram arbeidsutvalet sitt for det komande året. Kaja Ingdal Hovdenak (24) blir ny leiar.
Kaja Ingdal Hovdenak er vald som ny leiar i NSO.
– Eg er utruleg takksam for tilliten Landsmøtet har vist oss i det nyvalde arbeidsutvalet. Vi er veldig motiverte for å stå på for studentrørsla i året som kjem, seier påtroppande leiar Kaja Ingdal Hovdenak, i ei pressemelding.
Hovdenak seier ho forventar at regjeringa og Stortinget skal halde fram arbeidet med å styrke kjøpekrafta til studentane gjennom statsbudsjettet, i tillegg til at rettstryggleiken til studentane skal forbetrast.
– Det komande året vil vi prioritere å betre studentøkonomien, og styrke rettstryggleiken, spesielt knytt til fuskeregelverket, stadfestar Hovdenak.
Arbeidsutvalet i NSO 2024/25:
- Leiar: Kaja Ingdal Hovdenak (24 år), studerer ved Universitetet i Bergen og kjem frå Ås.
- Nestleiar: Elida Linnea Slettum (23 år), studerer ved Universitetet i Bergen og kjem frå Notodden
- Fag- og forskingspolitisk ansvarleg: Harald Bolstad Evensen (23 år), studerer ved Universitetet i Søraust-Noreg og kjem frå Tromsø
- Fag- og læringsmiljøpolitisk ansvarleg: Maiken Køien Andersen (22 år), studerer ved Universitetet i Agder og kjem frå Engerdal
- Velferds- og likestillingsansvarleg: Signe Næss Røtvold (24 år), studerer ved Universitetet i Oslo og kjem frå Mo i Rana
- Internasjonalt ansvarleg: Nora Rymoen Houidi (23 år), studerer ved Universitetet i Søraust-Noreg og kjem frå Moss
