Utanrikspolitisk talsperson for SV Ingrid Fiskaa er fornøgd med at regjeringa har gått med på å auke bistandsbudsjettet for i år med nesten ein halv milliard kroner. | Foto: Ole Berg-Rusten / NTB / NPK
SV: Semje om nær ein halv milliard i auka bistandsbudsjett
SV og regjeringspartia har vorte samde om å auke bistanden med nesten ein halv milliard kroner i korrigering av 2023-budsjettet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det er klart etter forhandlingar om den såkalla nysalderinga, altså korrigering av 2023-budsjettet.
– Desse pengane er det er skrikande behov for, skriv utanrikspolitisk talsperson Ingrid Fiskaa i SV i ein e-post til NTB.
Delar av summane går til konfliktramma område som Gaza, Somalia og Sudan. I tillegg blir klimafondet styrkt, som fleire land allereie første dag av klimatoppmøtet i Dubai kunngjorde at dei ville betale store summar inn til.
Slik vil bistandspengane bli fordelte:
- 20 millionar kroner til kunnskapsbank og fagleg samarbeid, inkludert programmet Skatt for Utvikling.
- 20 millionar kroner til sivilt samfunn.
- 100 millionar kroner til humanitær nødhjelp på Gazastripa.
- 25 millionar kroner til humanitær nødhjelp i Sudan.
- 25 millionar kroner til humanitær nødhjelp i Somalia.
- 268 millionar kroner (auke på 25 millionar kroner) til klimafondet, som skal gå til tap og skade etter klimaendringar.
Annonse
