Listhaug applauderer utspel om innvandringsstopp
Frp-leiar Sylvi Listhaug håpar Høgres Erna Solberg lyttar til ønsket til Unge Høgre-leiaren om ein stopp i innvandringa til Noreg.
Denne artikkelen er eldre enn 1 år gamal. Det betyr at noko av informasjonen kan vere utdatert.
Det var i Aftenposten laurdag at Unge Høgreleiar Ola Svenneby tok til orde for innvandringsstopp.
– Eg vil gi ros til Unge Høgre-leiaren for å vere veldig tydeleg på kor viktig det er at vi tek grep om innvandringa til Noreg, seier Listhaug til VG.
Ho er samd med Unge Høgreleiaren i at stoppen ikkje skal gjelde arbeidsinnvandrarar eller flyktningar frå Ukraina.
Så langt har Svenneby fått lite støtte i både Høgre og i ungdomspartiet, men Listhaug håpar det vil endre seg.
– Eg håpar no at Erna Solberg kjem på banen og viser at ho tek utfordringane på alvor, ved å gi han full støtte, seier Listhaug til VG.
- Les også innlegget: «Svenneby skal ha ros for å tore å løfte ein viktig og vanskeleg debatt»
