Undersøking: Flest studentar ønskjer seg jobb i Equinor
Equinor går igjen som ein jobbfavoritt hos studentane, som i ei stor spørjeundersøking er spurde kor dei aller helst ønskjer seg jobb etter studia.
![](https://framtida.no/wp-content/uploads/2023/11/NPK-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Nær 11.000 studentar har delteke i undersøkinga, som er gjennomført av Universum, skriv Khrono.
Undersøkinga er delt inn i fem ulike fagområde: økonomi, ingeniør, IT, juss og humanistiske fag.
Equinor toppar lista i ingeniørfeltet, medan selskapet hamnar på pallen også i økonomi- og IT-feltet. Equinor er den einaste bedrifta som hamnar blant topp tre i tre av dei fem områda.
DNB toppar lista i økonomifeltet, medan Google er favoritten på IT-feltet. Innan juss er det jobb i politiet som er mest attraktivt, medan flest studentar ønskjer seg jobb i Oslo kommune innanfor humanistiske fag.