Ein rapport frå Redd Barna viser at språket blir styggare og tøffare i norske skular.
mm

Språkbruken i norske skular har vorte tøffare, noko som blir stadfesta i rapporten «Gi oss Spilleregler!» frå Redd Barna, skriv NRK Vestfold og Telemark.

Redd Barna gjennomførte sjølve undersøkinga blant 3.-, 5.- og 7.-klassingar før pandemien slo inn, mellom anna for å høyre korleis elevane sjølv opplever at språkbruk påverkar klassemiljøet og kvardagen i skulegarden.

Rapporten konkluderer mellom anna med at elevar frå femteklasse og oppover har vorte grovare i målet enn før.

Leiar i arbeidet med undersøkinga, Anne Elin Kleva, seier mykje av språkbruken handlar om seksuell trakassering.

– Homse, lesbisk og gay. Det er mykje som handlar om kjønnsidentitet og seksuell orientering. Dei bruker òg ord som kuk, din jævla bitch eller hore. I tillegg er det mykje rasisme, seier Kleva til NRK.


Les også innlegget frå Marielle (13): – Eg skal få lov til å gå med ein magetopp utan å bli kalla «jævla hore»

Marielle Rodrigues (13) frå Øygarden skreiv ei skuleoppgåve der ho tek eit oppgjer med nedsetjande kommentarar jenter vert møtt med. Foto: Privat
ANNONSE