Ingen realfagsbakgrunn
Ane Kvistad var teatersjef hjå Studentersamfundets Internet Teater då NRK byrja programleiarjakta, og fortel at ho trivst på teaterscena.
Trass i at Newton er eit vitskapsprogram, har ikkje Kvistad sjølv nokon bakgrunn frå realfag. Men ho har alltid elska matte og naturfag:
– Så det blir veldig spennande å jobbe med Newton. Eg har erfaring frå sjukepleiarutdanninga, og elles har eg vore mest teaterjente. Det trur eg er ein fordel i denne jobben – for eg skal jo få lov å formidla vitskap til barn og unge, seier ho.
Tidlegare har Kvistad arbeidd som barneformidlar på museum, og ho fortel at ho elskar å formidla og underhalda. Ho er difor stolt over å få vere med å laga Newton:
– Det er så stort, men samstundes så stabilt og jordnært program – så det blir mykje gøy framover, seier ho.
Foto: Privat
