Færre bruktbutikkar for klede i distrikta
Å kjøpe brukt er populært, men brukt-tilbodet er dårlegare i distrikta.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Utfordringa med å drive bruktbutikk på bygda er kundegrunnlaget, seier Kristin Hareide i Fretex til NRK.
Sjølv om gjenbruk er i vinden, er det ikkje mange av bruktbutikkane til Fretex i distrikta. I tillegg held dei fleste butikkane til Uff, Røde Kors og Bymisjonen i all hovudsak til i Oslo-området, skriv kanalen. Bruktbutikkforskrifta, som gjeld kommersielle aktørar, gjer det òg meir komplisert å drive sjølvstendig bruktbutikk.
Hareide i Fretex synest i stor grad dei løyser tilbodet med dei butikkane dei har i Noreg. I tillegg driv dei nettbutikk som eit forsøk på å vere tilgjengelege for folk i distrikta.
Er du interessert i å lese fleire saker om bruktmarknaden?
- Øyvind (32) fekk ikkje jobb. Så møtte han Fretex-Frode. I fjor skaffa Fretex jobb til 600 personar.
- Kommersielle bruktbutikkar får ikkje ta imot klede frå personar under 18 år. – Det må bli enklare å drive bruktbutikk i 2021, seier Framtiden i våre hender.
