Forskarar vil fange koronavirus med statisk elektrisitet i munnbind
Svenske forskarar utviklar eit munnbind som skal stoppa viruspartiklar ved hjelp av statisk elektrisitet. Munnbinda blir lada av pusten til brukaren.
Denne artikkelen er eldre enn 1 år gamal. Det betyr at noko av informasjonen kan vere utdatert.
Ifølgje forskarane kan statisk elektrisitet bidra til å stoppe viruspartiklar på ein langt meir effektiv måte enn dagens munnbind.
– Munnbindet vårt, som baserer seg på cellulose-stoff med triboelektriske eigenskapar, gjer det lettare å puste enn med dagens munnbind, seier Christina Dahlström, som er prosjektleiar for arbeidet ved Mittuniversitetet.
Saman med forskarar frå universitetet i Uppsala har dei fått statleg støtte til ein halvårig pilotstudie. Prosjektet er førebels i ein tidleg testfase.
– På lang sikt vil bruken av fornybar cellulose i staden for fossilbasert materiale vere veldig heldig med tanke på nasjonal sjølvforsyning og avfallshandtering, seier Dahlström.
Illustrasjonsfoto av munnbind, Visuals/Unsplash
