Rekordmange unge vil bli fiskarar
Nyutdanna fiskarar kan tena over 700.000 kroner i året. Det lokkar fleire unge til å søkje seg til yrkesutdanninga på vidaregåande skular.
Denne artikkelen er eldre enn 1 år gamal. Det betyr at noko av informasjonen kan vere utdatert.
20 skular i landet tilbyr yrkesutdanninga fiske og fangst. NRK skriv at alle skulane dei har vore i kontakt med, melder om høgare søkjartal i år.
– Havbruk generelt sett går godt, og ungdom fangar fort opp kor det er pengar å hente, seier studierektor Marita Martinussen ved Meløy vidaregåande skule i Nordland.
- Les også intervjuet med Malin (28) som skal verte styrmann: – Det følast naturleg å arbeide i eit mannsdominert yrke
Statusløft
At ein kan tene godt som fiskar, kan også Fiskeridirektoratet og Norges Fiskarlag bekrefte.
– Det har blitt meir effektivt å fiske. Kvotar kan slåast saman på færre fartøy, og fiskarar kan tene gode pengar, seier kommunikasjonsrådgivar i Fiskeridirektoratet Olav Lekve.
I dag er det registrert vel 11.000 fiskarar i Noreg. Etter fleire år med nedgang i talet fiskarar, har statusen for yrket auka og det kjem fleire nye fiskarar til.
- Les også intervjuet med Maria (15), som er fast bestemt på å verte fiskar: – Her ute er det status å vere fiskar for gutane – dei kallar seg ekte menn – så dei var litt slik: «Nei, du kjem aldri til å greie det»
Eigentleg skulle Maria berre vere med på tur ei veke i samband med arbeidsveke på skulen, men det vart fort til ein månad. Foto: Eivind Mikal Sævik.
