Den eldste mannen i verda meiner smiling forlengjer livet
Den 112 år og 345 dagar gamle japanaren Chitetsu Watanabe er den eldste levande mannen i verda, ifølgje Guinness rekordbok. Dei beste råda hans er: Smil og ver glad.
Denne artikkelen er eldre enn 1 år gamal. Det betyr at noko av informasjonen kan vere utdatert.
Onsdag fekk Chitetsu Watanabe (112) eit sertifikat frå Guinness rekordbok som prov på prestasjonen, som den eldste levande mannen i verda.
Ifølgje Waranabe er løyndomen bak eit så langt liv å ikkje bli sint og å halde fram med å smile.
Fødd i 1907
Watanabe vart fødd i Niigata i Japan i 1907. Han er utdanna innanfor landbruk, og jobba med dette fram til andre verdskrigen.
Etter krigen var han byråkrat i heimbyen. Watanabe fekk fem barn med kona si, Mitsue.
Rekordinnehavaren er elles veldig glad i søtsaker.
Verdsrekorden er 122 år
Foto: Wikipedia
Den førre rekordinnehavaren, japanaren Masazo Nonaka, døydde førre månad.
Den eldste personen nokosinne er franske Jeanne Calment, som var 122 år gammal då ho døydde i 1997.
