Norges Toppidrettsgymnas får ikkje opne i Bergen

Nynorsk Pressekontor
Publisert

info

Denne artikkelen er eldre enn 1 år gamal. Det betyr at noko av informasjonen kan vere utdatert.

Planen til Norges Toppidrettsgymnas er å opne ein ungdomsskuleklasse og ein klasse for vidaregåande elevar i Bergen førstkommande haust.

Søknaden om ungdomsskuleklassen vart godkjend før jul, men dei meiner ein føresetnad for å starte opp, er at dei også får starte ein vidaregåande skole, skriv Bergens Tidende.

I avslaget viser Utdanningsdirektoratet til at det allereie er idrettstilbod på dei vidaregåande skolane Tertnes, Metis, Amalie Skram, Åsane gymnas og Voss gymnas.

– Men Norges Toppidrettsgymnas skal vere eit heilskapleg toppidrettstilbod som ligg på eit anna nivå, seier Øyvind Langørgen i stiftinga Norges Toppidrettsgymnas til BT.

Stiftinga Norges Toppidrettsgymnas har bestemt seg for å klage på avgjerda. Klagen vil bli behandla av Kunnskapsdepartementet.

Julie Erichsen på balanse bommen under kvalifiseringa i VM i Tyskland, 5. oktober 2019. Foto: AP Photo/Matthias Schrader