Denne helga går nokre av Noregs største youtuberar saman mot einsemd og utanforskap blant barn og unge. Pengane frå SplayAksjonen går til Røde Kors.
mm

– Det er altfor mange unge i Noreg som er einsame. Eg synest eg det er viktig å slå eit slag for dette, seier Agnete Huseby, som er kjent som «Agnetesh» på YouTube i ei pressemelding frå Røde Kors.

Saman med kjente youtubarar som Amalie Olsen og Dennis Vareide er ho med på den aller første SplayAksjonen. Tema for aksjonen er «Saman for kvarandre»:

Samlar straumekreftene

Laurdag 7. og søndag 8. samlast Youtuberar frå nettverket Splay for å utfordra kvarandre på juleverkstad, challenges og gaming, samstundes som dei samlar inn pengar til saka.

– Vi veit kor mykje engasjement éin enkelt YouTube-kanal kan skape, og då kan ein berre tenke seg kva vi klarer når vi samlar oss, seier «Agnetesh» i pressemeldinga.

Aksjonen er eit samarbeid mellom Splay, som er Noregs største YouTube-nettverk, og Røde Kors. Pengane som blir samla inn, går til Røde Kors-aktivitetane Fellesverket og Kors på Halsen, som er ei anonym telefon- og chatteteneste for dei under 18 år.

Røde Kors: – Viktig for å opne samtalen

Øyvind Stedal, programdirektør for barn og unge i Røde Kors, seier at dei møter stadig fleire unge som føler på einsemd.

– Denne kjensla er det mange som berer på som ein vond hemmelegheit. Samarbeidet med Splay om denne juleaksjonen er viktig for å opne samtalen rundt tematikk og minske tabuet rundt noko som alle har kjent på og som plagar stadig fleire, sier Stedal i pressemeldinga.

Youtuberane er allereie godt i gang med aksjonen i sine kanalar og på Instagram kjem dei  med nokre eigne tips mot einsemd:

 

Se dette innlegget på Instagram

 

Hvordan kan man vise at man bryr seg? Til helgen går YouTuberne sammen mot ensomhet! #splayaksjonen #sammenforhverandre #rødekors

Et innlegg delt av SPLAY NORGE (@splaynorge)

Oppdatert: fredag 6. desember 2019 10.55
ANNONSE