FpU-leiaren: – Skuffa over det politiske ordskiftet

– Skuffa over det politiske ordskiftet

– Kva har gledd deg mest i året som har gått?

– Det som har gledd meg mest i 2018 må jo vere at eg i løpet av året har blitt forlova. Eg vart òg gjenvalt som formann i FpU i april, det er også noko eg er svært takknemleg for.

Sjå Bjørn Kristian Svendsrud som nisse for Framtida.no sin julekalender

– Kva har skuffa deg mest i året som har gått?

– Eg trur eg er mest skuffa over det politiske ordskiftet denne hausten, og korleis delar av KrF har omtala FrPs verdiar og menneskesyn i negative ordelag i prosessen kor dei som parti har valt side for samarbeid. Det har vore lite hyggeleg.

Samtidig er eg opptatt av å legge det bak oss, og ser fram til forhandlingane mellom FrP, KrF, H og V.

– Kva er det største ønsket ditt for 2019?

– At FrP gjer eit godt val i september, og at flest mogleg av kommunane blir blå.

Les også: Samtlege ikkje-sosialistiske parti opne for endringar i sjukeløna