«Lykkeland» tar form i Stavanger
Den kommande NRK-serien «Lykkeland» er i gang med innspelinga i Stavanger. Bla deg vidare for å sjå bilete av skodespelarene som skal vera med!
Denne artikkelen er eldre enn 1 år gamal. Det betyr at noko av informasjonen kan vere utdatert.
Tysdag fekk norsk presse vere med på første opptaksdag av serien – som skal følgje livet til fire unge menneske når det store oljefunnet blir gjort på norsk sokkel. Serien tar oss innleiingsvis med til Stavanger når kalenderen viser 1969.
– Veslejulaftan 1969 borar Phillips Petroleum seg inn i den største oljebrønnen gjennom tidene – og alt blir endra, heiter det om opptakten.
- LES OGSÅ: NRK snur: «Hjemmebane» blir «Heimebane»
Dei unge karakterane vi skal få følgje blir spela av Anne Regine Ellingsæter (21), Amund Harboe (20), Malene Wadel (19) og Bart Edwards (29).
– Alle blir på ulikt vis påverka av oljeindustrien, og dei blir påverka av samfunnsendringane som oljefunnet fører med seg: Utviklinga av velferdsstaten, framvekst av likestilling, arbeidsinnvandring, EF-kamp og velstandsutvikling, står det i pressemeldinga.
Det er planlagt åtte episodar som kvar er på 45 minutt, og serien blir produsert av Maipo for NRK. Sendestart er førebels ikkje fastsett, men etter planen blir «Lykkeland» ferdigstilt i 2018.
Mette M. Bølstad har fordjupa seg i oljeeventyret og skrive manuset – mens Petter Næss har regien.
I rollene møter vi også blant andre Per Kjerstad, Pia Tjelta, Vegar Hoel og Mads Sjøgård Pettersen.
- FÅ OGSÅ MED DEG: Å Vestland, Vestland
