Kraftig nedgang for pelsdyrnæringa
Talet på pelsdyrgardar i Noreg er halvert på berre ti år, frå 490 i 2007 til 245 i fjor.
Denne artikkelen er eldre enn 1 år gamal. Det betyr at noko av informasjonen kan vere utdatert.
Då næringa var på topp i 1990, var talet 1.277.
Eitt av fylka som har merka nedgangen er Aust-Agder, der talet på gardar som driv med pelsdyroppdrett er redusert med 80 prosent på 15 år, melder NRK. No er det berre seks pelsdyroppdrettarar igjen, av i alt 29 ved tusenårsskiftet.
Grunnen til at så mange gardar legg ned er fallande etterspørsel etter pels.
Olav Magne Kvisli frå Vegårshei, ein av dei seks oppdrettarane som er igjen i Aust-Agder, meiner eit stadig større internasjonalt negativt fokus på pelsdyrdrift må ta mykje av skulda for nedgangen. Han seier at mange er interesserte i å begynne, men vegrar seg fordi framtida er usikker.
– Det er stadig nye krav til drifta, og ei uvisse og vingling frå politikarane om vi skal få lov til å fortsette med pelsdyr eller ikkje, seier Kvisli.
– Ein kan jo ikkje starte med ei næring som ein i neste omgang kan risikere blir nedlagt.
LES OGSÅ: Frå pels til hjorteoppdrett
