Grepstad vald til leiar i nettverk for språkmuseum
Direktør for Nynorsk kultursentrum Ottar Grepstad er vald til leiar for International network of language museums.
![](https://framtida.no/wp-content/uploads/2023/09/Framtida-logo-160x160.png)
![info](https://framtida.no/wp-content/themes/framtida/images/info.png)
Denne artikkelen er eldre enn 1 år gamal. Det betyr at noko av informasjonen kan vere utdatert.
Grepstad skal leia internasjonalt språknettverk
– Gjennom eit systematisk internasjonalt samarbeid skal vi gjere språkmusea viktigare i mange land, seier Grepstad.
Valet skjedde under skipingsmøtet til organisasjonen i Milano søndag. I tillegg til Grepstad er leiarane for Mundolingua i Paris og Canadian Language Museum i Toronto med i styret..
– Språk er det grunnleggjande ved å vere menneske. Då er det på høg tid at språkmusea etablerer eit formelt samarbeid, meiner Grepstad.
Nynorsk kultursentrum tok initiativ til å etablere nettverket, og Grepstad har arbeidd med å lokalisere språkmuseum verda over. Så langt er 59 museum i 31 land identifiserte – 11 museum frå ni land i Amerika, Europa og Asia slutta seg til det nyskipa nettverket.
– I 18 land er det berre eitt språkmuseum, og Noreg er eitt av dei landa. Dei som arbeider i musea, må krysse landegrenser for å finne museum som arbeider med det same.
Ifølgje Grepstad vil det internasjonale nettverket i første omgang utvikle samarbeid og kontakt via digitale medium. Nettverket reknar med at talet på tilknytte museum vil auke. (©NPK)
Les meir: