Her kosar studentane vekk nervane
Denne artikkelen er eldre enn 1 år gamal. Det betyr at noko av informasjonen kan vere utdatert.
Kosar vekk nervane
Studentane melder seg på via Facebook, og får 20 minuttar med ein terapihund. Det roar eksamensnervane, skriv Studvest.
Det er ved Universitetet i Bergen at Studentparlamentet har leigd inn ein terapihund. I møte med hunden produserer kroppen velværehormonet Oksytocin, ifølgje Karen Valeur Flaten, som driv Bergen Terapihund og eig hunden Mie. Ho meiner ein pause frå lesing til å kose med terapihunden sit i kroppen i fleire dagar, og et opp det negative.
Studentane i samanliknande politikk som Studvest møter, meiner i alle fall at det koselege avbrekket har effekt:
– Vi slappar faktisk litt meir av no. Det er mykje meir hjelp i gå her enn å gå heim og sjå på TV i alle fall, seier Sigrun Vatsby til Studvest.
LES OGSÅ: Sjå direkte frå ørne- og hegrereiret!
