Rekordmange vil ta høgare utdanning
Denne artikkelen er eldre enn 1 år gamal. Det betyr at noko av informasjonen kan vere utdatert.
Desse studia er mest populære
127.929 personar har per april 2015 søkt om høgare grunnutdanning gjennom Samordna opptak. Det er ein auke på 6,7 prosent samanlikna med i 2014.
– Det er ein overraskande stor auke i søkjarar til høgare utdanning frå i fjor. Det er gledeleg at så mange søkjer seg til utdanningar der samfunnet spør etter arbeidskraft, slik som lærar, sjukepleiar og realfag, seier seksjonsleiar i Felles studieadministrativt tenestesenter, Bente Ringlund Bunæs i ei pressemelding.
Meir populært med lærarutdanning
13 utdanningsområde har oppgang i søkjartala, mens tre utdanningsområde går ned samanlikna med søkinga i fjor.
Av dei største utdanningsområda er auken størst for vernepleiar (+ 21 %), sjukepleiar, pedagogiske fag og informasjonsteknologi, alle med omkring 17 prosent fleire søkjarar.
Søkinga til realfag (+11 %) har òg fått ein solid oppsving i år. Innanfor lærarutdanningane har både grunnskulelærarutdanning 1.- 7.-trinn og grunnskulelærarutdanning 5.-10. trinn ein auke på 8 prosent.
Barnehagelærarutdanninga har tilnærma like søkjartal i år som i fjor. Innanfor helsefag er det farmasi som har den største auken frå i fjor med 30 prosent. Radiograf og ergoterapi er andre utdanningsløp med stor prosentvis oppgang.
Medisin har ein liten nedgang i søkinga på 2 prosent.
Mediefag opplever nedgang for tredje år et på rad, og går i år ned med 5 prosent samanlikna med fjoråret. Maritime fag (-12 %) og ernæring (-7 %) har òg færre søkjarar enn i fjor.
| Utdanningsområde |
|
|
| 2015-mai | Endring | |
| ESTETISK | 2766 | +1.28% |
| HELSEFAG – ANNET | 903 | -9.79% |
| HELSEFAG – AUDIO | 77 | +16.67% |
| HELSEFAG – BARNEVER | 2214 | +5.73% |
| HELSEFAG – BIOING | 725 | +14.72% |
| HELSEFAG – ERGO | 525 | +19.59% |
| HELSEFAG – ERNÆRING | 603 | -7.23% |
| HELSEFAG – FARMASI | 288 | +30.32% |
| HELSEFAG – FYSIO | 2063 | +1.53% |
| HELSEFAG – MEDISIN | 2955 | -2.12% |
| HELSEFAG – ODONT | 850 | +10.39% |
| HELSEFAG – ORTOPEDI | 66 | |
| HELSEFAG – RADIO | 689 | +21.95% |
| HELSEFAG – RESEPTAR | 343 | +10.29% |
| HELSEFAG – SOSIONOM | 3431 | +5.73% |
| HELSEFAG – SYKEPL | 12362 | +17.53% |
| HELSEFAG – VERNEPL | 2774 | +21.35% |
| HELSEFAG – VETERIN | 1095 | +5.90% |
| HISTORIE | 3448 | +11.19% |
| IDRETT | 3514 | -0.37% |
| INFOTEKN | 3473 | +17.53% |
| JUS | 9641 | +9.57% |
| LANDBRUK | 613 | +12.07% |
| LÆRER – 5-ÅRIG INTEGRERT | 1952 | +7.49% |
| LÆRER – ANNET | 629 | +5.18% |
| LÆRER – BHGLÆRER | 3215 | -0.16% |
| LÆRER – FAGLÆRER | 938 | +11.53% |
| LÆRER – GRL1-7 | 2672 | +8.31% |
| LÆRER – GRL5-10 | 2510 | +8.38% |
| MEDIEFAG | 3506 | -5.14% |
| PEDFAG | 1927 | +17.43% |
| REALFAG | 4274 | +11.36% |
| REISELIV | 706 | +4.13% |
| SAMFUNN | 14497 | +5.17% |
| SPRÅK | 5154 | +6.25% |
| TEKNO – ANNET | 1282 | +2.07% |
| TEKNO – ARKITEKT | 1233 | +4.23% |
| TEKNO – INGENIØR | 5762 | -2.17% |
| TEKNO – MARITIM | 493 | -12.90% |
| TEKNO – SIVING | 5325 | -0.49% |
| ØKADM | 16436 | +6.87% |
| I alt | 127929 | +6.68% |
