Slik skal det plantast ein milliard tre i året
Droner kan ikkje berre brukast i krig eller imponerande video. No vil eit selskap bruka dronane til å planta ein milliard tre i året.
Denne artikkelen er eldre enn 1 år gamal. Det betyr at noko av informasjonen kan vere utdatert.
Ein milliard tre med droner
Treehugger skriv om oppstartsprosjektet BioCarbon Engineering som jobbar med droner. Dei brukar likevel ikkje dronane på den måten du etter kvart har sett ein del av – i militære operasjonar eller i videoar som viser fram landskapet.
BioCarbon Engineering vil bruka dronane dei utviklar til å planta tre, og kjempa imot avskoging.
LES OGSÅ: Med bismak av klimagass
– Øydelegging av skogane i verda gjennom tømmer, gruvearbeid, landbruk og urban utviding øydelegg 26 milliardar tre i året. Me trur at denne avskoginga kan kjempast imot på best måte med den siste automat-teknologien, forklarar Lauren Fletcher frå BioCarbon Engineering, ifølgje Treehugger.
Dei har eit system dei meiner kostar så lite som 15 prosent av kva det ville kosta å planta tre for hand, og det kan gjerast i eit tempo som plantar fleire titals tusen kvar dag – og ein milliard tre i året.
Det ambisiøse prosjektet nyttar presise kart over områda dei vil planta tre i, og skyt ut pollenerte frø ned i jorda i ein kapsel med næringsrik hydrogelé,
Dette er ikkje ei løysing som vil stå klar i morgon – det kan ta fleire år før eit slikt system står klart til bruk i storskala. Treehugger stiller også fleire spørsmål stiller også fleire spørsmål rundt kor effektivt systemet er – til dømes kan feilraten ved at ei maskin skyter frø ned i jorda vera høg.
Men prosjektet kan likevel vera håpefullt – sjå presentasjonsvideoen her:
