Med eit enkelt verktøy kan du sjå om du bør angra på studievalet ditt.

Anders Veberg

Noko av det viktigaste for valet av utdanning er jobbutsiktene. No har Senter for IKT i utdanninga laga eit enkelt verktøy på nett der du kan du sjekka utsikten no, om fem år og ti år fram i tid.

Her kan du sjå på tala – og finna ut om yrket ditt eller yrket du vurderer er høgt på lista.

LES OGSÅ: Regjeringa vil ha fleire lærlingar

Heilt øvst på lista finn du elektrofag, mekaniske fag og maskinfag. Verktøyet viser svært gode jobbsjansar både no, om fem år og ti år fram i tid – med andre ord vil talet på jobbar auka meir enn talet på utdanna i åra som kjem.

Verre ser det ut for dei som tek praktisk-pedagogisk utdanning for yrkesfag. Ifølgje utrekninga vil det vera 17 000 jobbar innanfor feltet i 2025, og 20 000 personar med utdanninga.

Det er med andre ord ikkje vegen å gå, om du skal søka om høgare utdanning no.

LES OGSÅ: Den fødde leiar

Oppdatert: onsdag 24. mai 2017 15.59
ANNONSE