Noreg kan produsere meir grønt sjølv
Denne artikkelen er eldre enn 1 år gamal. Det betyr at noko av informasjonen kan vere utdatert.
Kan produsere meir grønt sjøl
Ikkje minst når det gjeld etterspurnaden av bær. Det meiner ei arbeidsgruppe som har vurdert ei eventuell innføring av nye tilskot i denne sektoren. I dag er importen av frukt og grønt større enn eigenproduksjonen vår, går det fram av rapporten som arbeidsgruppa no har levert.
LES OGSÅ: Senkar blodtrykket
Arbeidsgruppa vart initiert gjennom jordbruksavtalen og har vore sett saman av representantar frå Landbruks- og matdepartementet, Norges Bondelag og Norsk Bonde- og Småbrukarlag. Gruppa hadde for det meste delte oppfatningar om dei tilskotsordningane dei har sett på.
LES OGSÅ: Kjøt kan vera like dødeleg som røyking
På eitt punkt var likevel gruppa meir samstemt: Frakttilskot på frukt, bær og grønsaker har ikkje så mykje for seg, meiner dei.
Elles var gruppa delt i synet på å innføre tilskot til produsenteigde pakkeri og eit eige distrikts- og kvalitetstilskot for industribær i tillegg til det distrikts- og kvalitetstilskotet som allereie finst for bær. Mens bonderepresentantane ønskjer seg slike tilskot, var representantane frå departementet generelt skeptiske til å innføre nye tilskotsordningar. Dei viser til ønsket regjeringa har om å forenkle verkemidla og redusere byråkratiet i landbruket.
