Desse studia gjev best løn

Nyutdanna masterstudentar har ei snittløn på rundt 420.000 kroner i året. Det er ein auke på 8,2 prosent frå 2009. Det viser tal fra Kandidatundersøkinga 2011. 

Kandidatane med mastergrad i økonomisk-administrative fag er dei som har høgast løn, med kandidatar i helse- og sosialfag og i naturvitskap på plassane bak. Desse gruppene oppgjev ei brutto, ordinær månadslønn over gjennomsnittet for masterkandidatar, og ei undergruppe som tannhelsefag har nærmare 42.000 i månadsløn. Økonomane tener 60.000 kroner meir i året i den første jobben sin enn juristar.

Bachelorkandidatene i økonomisk-administrative fag har lågast månadsløn eit halvt år etter eksamen. Bachelorkandidatane i ingeniørfag har ei begynnarløn på drøyt 34.000 kroner, og får like god utteljing for den treårige utdanninga si som mange kandidatar med ein femårig mastergrad.