Vurderer øyremerkte midlar til unge forskarar
Noregs forskingsråd vurderer om delar av midlane i den frie prosjektstøtta skal øyremerkjast unge forskarstalent.
Denne artikkelen er eldre enn 1 år gamal. Det betyr at noko av informasjonen kan vere utdatert.
Satsar på forskartalent
Det kjem fram i ei evaluering av Forskingsrådet, der behovet for å vere dristigare og meir nytenkjande i forskinga blir framheva, skriv Aftenposten.
Fri-Pro er forskingsrådets ordning med fri prosjektstøtte. Ordninga har vore til støtte for framifrå gode forskarar som har hatt høg publiseringsrate og stor internasjonal kontaktflate.
LES OGSÅ: 17-åring bygde kunstig hjerne som finn brystkreft
Øyremerkingspolitikk
Ordninga har i dei siste åra praktisert moderat kjønnskvotering, med gode resultat: Talet på søknadar frå kvinnelege forskarar auka i perioden 2005 til 2010, og talet på kvinnelege søkarar som har fått gjennomslag for søknaden sin i denne perioden auka meir enn for mannlege søkarar.
No er tida komen til også å prioritere høgare dei unge forskartalenta.
– Vi er inne i ein fase der vi ser på korleis vi kan vidareutvikle Fri-Pro-ordninga, seier direktør i Noregs forskingsråd, Arvid Hallén, til avisa.
Han seier utfordringane som vert peika på i evalueringa er i tråd med det dei sjølve har tenkt. Det å få fram fleire yngre forskarar er eitt av tre hovudpunkt Hallén trekkjer fram, og Forskingsrådet vurderer her øyremerkte midlar.
– Sannsynlegvis tar vi ei avgjerd før neste utlysing, tidleg på våren neste år, seier Hallén
LES OGSÅ: Har betre haldningar enn kunnskapar til matematikk
