Siddisar vil kutta sidemål
Stavanger Unge Høgre fekk gjennomslag.
Denne artikkelen er eldre enn 1 år gamal. Det betyr at noko av informasjonen kan vere utdatert.
Eit fleirtal i programkomiteen i Stavanger Høgre vil jobba for å innføra eit prøveprosjekt med valfritt sidemål i ungdomsskulen.
Ved å gjera sidemålet valfritt, kan eleven få konsentrera seg om læra det eine skriftspråket skikkeleg, heiter det i framlegget, ifølgje Stavanger Aftenblad.
– Eg meiner dette er ei viktig sak. Eg har alltid meint at det er feil at vi skal måtte ha både nynorsk og bokmål i skulen. Det bør i alle fall vera slik at sidemål anten bør vera valfritt eller så bør ein kunne velja om ein vil ha karakter i sidemålet. Å ha det slik som i dag, trur eg svekkjar norskundervisinga, seier Odd Jo Forsell til avisa, og tilbakeviser samstundes at dette er ein måte dei skal sanka stemmer frå 16-18-åringar.
Stavanger er ein av 20 kommunar som har stemmerett for 16- og 17-åringar i lokalvalet til hausten.
