Unge har 235 millionar i inkassogjeld
Denne artikkelen er eldre enn 1 år gamal. Det betyr at noko av informasjonen kan vere utdatert.
Tala kjem frå Kredinor, og dei bekymrar prosjektleiar Tamar Thorud i Barnas Jurist, melder NRK. Organisasjonen gir gratis rettshjelp til unge under 25 år.
– Det er ei utfordring at mange har lite forståing for forholdet mellom inntekt og forbruk, effektar av rentesrente og så vidare. Vi ser eit klart behov for å legge til rette for at folk får betre økonomiforståing og gode betalingsvanar i ung alder, seier Thorud. Han fortel at freistingane er mange og kjøpepresset stort, og ofte oppstår betalingsproblema når forbruksgjeld kjem ut av kontroll.
– Vegen er kort frå handel på nett til kredittkortgjeld som eskalerer.
Marknadssjef Ingjerd Thurmer i Kredinor seier utviklinga har gått feil veg sidan 2014 og at kvar person som har inkassogjeld, i snitt har 2,6 saker mot seg.
– Av erfaring veit vi at jo meir ein person skuldar, desto vanskelegare er det å betale tilbake, forklarar ho.
