Sterke reaksjonar verda over etter Paris-angrep
Denne artikkelen er eldre enn 1 år gamal. Det betyr at noko av informasjonen kan vere utdatert.
Fordømmer Paris-angrep
Sveriges statsminister Stefan Löfven kallar angrepet for feigt og motbydeleg, og seier at det var retta mot både «Frankrike, demokratiet og vår menneskeverd».
– Vi må aldri la oss sigre over, seier han til nyheitsbyrået TT.
Obama først ute
Spanias utanriksminister Jose Manuel Garcia Margallo seier at angrepet viser at «vi står overfor ei utfordring utan sidestykke, ei enorm utfordring av vondskap».
Den første offisielle reaksjonen frå ein leiar utanfor Frankrike kom likevel frå USAs president Barack Obama.
– Vi vil gjere det som trengst for å jobbe saman med det franske folk og med land rundt omkring i verda for å stille desse terroristane til ansvar, sa Obama.
Terrorkamp
Angrepa, som tok livet av minst 120 menneske, blir også fordømt på det sterkaste av Tysklands statsminister Angela Merkel, som seier ho er djupt sjokkert over angrepa.
Storbritannias David Cameron seier at «vi vil gjere det vi kan for å hjelpe», mens både Israel og Tyrkia varslar at landa vil gjere det dei kan for å overvinne terror saman med Frankrike. (©NPK)
More images from cities around the world standing in solidarity with the people of France after Paris attacks. pic.twitter.com/HgaoIJOf5M
— Josh Jordan (@NumbersMuncher) 14. november 2015
