Irak stengde internett for å hindra juks på eksamen
Stengde ned internett i heile landet.
Denne artikkelen er eldre enn 1 år gamal. Det betyr at noko av informasjonen kan vere utdatert.
Stengde internett for å hindra juks
Mobilar med tilgang til internett har gjort det lettare å juksa på prøvar. I Irak har dei gått drastisk til verks mot eksamensjukset.
EarthLink, ein av nettleverandørane i Irak, melde på måndag at alle tenestene deira vil bli nede over heile landet medan eksamenane går føre seg, ifølgje The Guardian. Tilgangen til nett både via kabel og mobil blei blokkert.
Tal frå analyseselskapet Dyn viser at det berre var dei sjølvstyrte kurdiske områda som hadde internett i løpet av dei tre gonger tre timane det var nasjonale eksamenar for ungdomsskulen og vidaregåande skule i Irak.
LES OGSÅ: Eksamenstips frå dei beste
3rd 3hr blackout in 3 days as #Iraq continues attempts to block cheating on exams. More outages expected.. pic.twitter.com/culrbXPH9m
— Dyn Research (@DynResearch) 16. mai 2016
Irakiske styresmakter får kritikk frå menneskerettsaktivistar og internettaktivistar for stenginga av internett, ifølgje The Atlantic.
– Gitt tryggleikssituasjonen i landet, er dette ganske ekstreme verkemiddel, seier Deji Olukotun i Access Now.
LES OGSÅ: Internett på eksamen gav meirsmak
