Ebola-utbrotet er ei internasjonal krise
Verdas helseorganisasjon (WHO) meiner no at Ebola-utbrotet i Liberia er ei internasjonal krise.
Denne artikkelen er eldre enn 1 år gamal. Det betyr at noko av informasjonen kan vere utdatert.
– Internasjonal krise
Det skriv VG. Til no har 930 menneskjer døydd av viruset, som er det mest omfattande utbrotet i historia.
LES OGSÅ: Sjukdommen me ikkje blir kvitt
Bryt saman
Utanriksministeren i Liberia, Augustine Kpehe Ngaufan, meiner påkjenninga frå Ebola-utbrotet bryt ned heile helsevesenet i landet.
– Folk døyr av vanlege sjukdommar fordi helsevesenet bryt saman, seier han til Reuters, ifølgje VG.
Han trekk fram sjukdommar som malaria og diaré, som ikkje blir behandla fordi innbyggarane i Liberia unngår sjukehusa i frykt for Ebola-viruset.
LES OGSÅ: Helsevesenet veks med forventingane våre
Ingen behandling
Ebola er ein blødningsfeber, som smittar gjennom direkte kontakt. I dag finst det ikkje effektiv behandling eller vaksine mot Ebola, og dødelegheita ligg på mellom 40 og 90 prosent.
LES OGSÅ: Her er dei norske elite-forskarane
