Fleire melder seg inn i Mållaget etter Høgre-vedtak
Noregs Mållag fortel om auka medlemstal etter at Høgre sitt landsmøte vedtok å fjerne sidemålskarakteren.
Denne artikkelen er eldre enn 1 år gamal. Det betyr at noko av informasjonen kan vere utdatert.
I helga vedtok Høgre sitt landsmøte å framleis gå inn for å avvikle ordninga med eigen karakter og eksamen i sidemål i ungdomsskulen og den vidaregåande skulen.
– Når fleirtalet i Høgre vil fjerne sidemålet, fjernar dei kunnskap om kulturarv, identitet, språk og kultur både frå bokmåls- og nynorskelevar, sa ein skuffa leiar i Noregs Mållag, Magne Aasbrenn, i ei pressemelding.
I dag skriv nestleiar Jens Kihl på Twitter at 34 personar har meldt seg inn i Noreg Mållag i dagane etter Høgre sitt landsmøte.
Sidan Høgre vedtok å skrote dagens sidemålsordning har @noregsmallag fått 34 nye medlemer. Takk til Høgre og velkomen til dykk nye målfolk!
— Jens Kihl (@jenskihl) March 15, 2017
Før helga skreiv Venstre-politikar Peder Lofnes Hauge det brennande innlegget: «Kunnskapsministeren er pokker så frekk»
