Sverige: Vil skru opp lærarkrava
Fråfallet er høgt og kvinnene dominerer lærarstudia. Det skal endrast.
Denne artikkelen er eldre enn 1 år gamal. Det betyr at noko av informasjonen kan vere utdatert.
Liberalerna, det svenske søsterpartiet til Venstre, vil løfta krava i lærarutdanninga i Sverige. Det skriv Skolvärlden. Bakgrunnen for forslaget er mellom anna stort fråfall i lærarutdanninga – så mykje som 38 prosent av studentane på faglærarutdanninga retta mot 7. – 9. klasse hoppar av tidleg i utdanninga, og blant dei som hoppar av er fleirtalet menn.
Forslaget frå Liberalerna går ut på å stramma til krava for å komma inn, slik det også er bestemt her i Noreg. Mellom anna skal karakterkravet i svensk aukast til C, som tilsvarar karakteren 4. I faglærarutdanninga skal du også ha karakteren C i det aktuelle faget du skal undervisa i.
– Kommunane har ikkje vore i stand til å auka statusen til læraryrket og betra vilkåra for sysselsetting. Det er ein stor fiasko at staten må gripa inn og detaljstyra arbeidsforholda til lærarane. Me må halda fram med å auka lærarlønningane, men me må også auka opptakskrava, seier Jan Björklund, partileiar i Liberalerna.
Les meir:
Leiar i Oslo Studentmållag: Lærarstudentar får for dårleg opplæring i nynorsk.
