Halvparten seier nei til norske flyangrep mot IS
Skepsisen i det norske folk er stor til å bidra med flyangrep mot IS i Syria. Ein av to seier nei, viser ei ny meiningsmåling
Denne artikkelen er eldre enn 1 år gamal. Det betyr at noko av informasjonen kan vere utdatert.
Seier nei til norske flyangrep
Av 1.001 spurde svarar 50 prosent at dei er negative til at Noreg skal bidra med flyangrep. 30 prosent er positive, mens 20 prosent svarar at dei ikkje veit, viser meiningsmålinga, som er gjort av Respons for Aftenposten og Bergens Tidende.
Meiningsmålinga er gjort etter at Noreg 3. desember fekk ein førespurnad frå USA om å auke den militære innsatsen mot ekstremistgruppa IS.
Det er skepsis blant veljarane i dei fleste politisk partia. Det er berre blant veljarane som stemmer Frp, det er ein klar overvekt som stiller seg positiv til eit slikt norsk bidrag. Her svarar 49 prosent at dei er positive, mens 39 prosent er negative. Høgre-veljarane er nokså delt på midten. (©NPK)
LES OGSÅ: Får kjeft for pepparkake-jagarfly
