Etter at regjeringa innførte avgiftskutt på drivstoff, har fleire diskutert kor lenge kuttet skal bestå, skriv NRK.
Til no skal kutta vare til 1. september. Sp krev lengre avgiftskutt. Samstundes har fleire stilt spørsmål ved om tiltaket er rett bruk av offentlege middel.
Då avgiftskutta kom, kosta olje opp mot 120 dollar per fat. Denne veka kosta det 84 kroner fatet.
Torsdag møttest Ap, Sp, SV, Rødt og MDG for å diskutere situasjonen. Dei kom ikkje til einigheit, det er nye møte i dag (fredag).
Bjørn Arild Gram (Sp) forhandlar med resten av venstresida om drivstoffprisane. | Foto: Lise Åserud / NTB
Avgjerda blei møtt med massiv motstand. Fleire slutta i jobben, og UEFA trua med å boikotte VM. Måndag trekte Storbritannia og Wales støtta si til Infantino sitt kandidatur som president i 2027.
Fleire føreslo at presidenten i Noregs Fotballforbund, Lise Klaveness, kunne vere ein god kandidat til ny president for Fifa. Det har vore delte meiningar om sjansane hennar.
Onsdag hadde Fifa eit krisemøte, der Infantino var til stades. Etter møtet gjekk Infantino ut og beklaga, men han seier han ikkje vil trekke seg. Fifa-leiinga seier dei stiller seg bak Infantino.
Gianni Infantino etter møtet onsdag. | Foto: AP Photo
I USA har det no vore primærval i Kansas, Missouri, Washington, Virginia og Michigan. Det betyr at Demokratane og Republikanarane røystar over kven som skal representere dei i mellomvalet seinare i år.
I mellomvalet skal kvar stat velje seg ein senator, som skal sitte i senatet. Å ha fleirtal i senatet gir eit parti mykje makt til å bestemme i landet.
Difor har det mykje å seie kven som skal få representere Demokratane, for det kan avgjere om dei vinn valet i haust. Her er Michigan spesielt viktig, for Demokratane bør vinne denne staten for å få fleirtal.
El-Sayed er venstreorientert og mellom anna imot våpensal til Israel. Fleire peiker no på at han kan representere eit skifte hjå Demokratiske veljarar, mot venstre og vekk frå den moderate eliten i partiet.
41 år gamle Abdul El-Sayed kan bli USAs fyrste muslimske senator om han vinn i haust. | Foto: AP Photo / Julia Demaree Nikhinson
Ebolautbrot i Kongo er det nest største i historia
1800 menneske er døde i det pågåande Ebola-utbrotet i Kongo, skriv VG.
Totalt har ein registrert 3973 smitta. Desse tala gjer utbrotet til det nest største i historia.
Det finst inga godkjent vaksine mot denne virusvarianten av Ebola, som heiter Bundibugyo. Viruset har ei dødelegheit på mellom 30 og 50 prosent.
90 prosent av alle dei smitta er registrerte i eit avsidesliggjande område aust i Kongo, men det er òg bekrefta smitte andre stader, mellom anna i den større byen Kisangani.
Berre éin gong tidlegare har fleire vorte ramma av ebola. | Foto: AP Photo / Dirole Lotsima Dieudonne
Tusenvis kryssa grensa til Ceuta
Førre veke kryssa rundt 72 000 menneske grensa til Marokko, inn i det spanske territoriet Ceuta, skriv The Guardian. Ceuta er svært lite og grensar berre til Marokko, heilt nord i Afrika.
Migrantane sumde rundt grensa. Minst 88 menneske døydde, mellom anna som følgje av drukning. Dei aller fleste migrantane har no blitt sende tilbake til Marokko.
Hundrevis av menneske har denne veka samla seg nær grensa til Ceuta, for å leite etter venar og slektningar.
Migrantane skal ha reist inn i territoriet som følgje av innlegg i sosiale medium, som Facebook og TikTok, der brukarar feilaktig hevda at ein ikkje kunne bli sendt heim om ein tok sjøvegen.
Fleire EU-land vil no ha grensekontrollar til Spania. Blant dei er Sverige, Danmark og Finland. Det skriv NRK.
Dei fleste som reiste var unge menn, men det var òg familiar og barn. | Foto: AP Photo / Antonio Sempere
Lyspunkt: Knølkvalbestanden tidobla
Knølkvalbestanden har gått frå under 10 000 til meir enn 100 000 etter at kvalfangst blei forboden i 1986. Det melder AP News.
Knølkval har no blitt observert i «supergrupper» på opp til 300 individ. Det er tilsynelatande den største gruppa ein har observert.
Slutten på kvalfangst er ei av dei største suksesshistoriene for konservering av trua artar, seier ein forskar og zoolog til avisa.
Me bruker cookies og andre tekniske løysingar for å forbetra opplevinga di av nettstaden vår, analysera bruksmønster og levera relevante annonser. I den oppdaterte personvernerklæringa vår kan du lesa meir om kva for informasjon me samlar inn og korleis denne blir brukt. Les meir!Ok, eg forstår
Privacy & Cookies Policy
Privacy Overview
This website uses cookies to improve your experience while you navigate through the website. Out of these cookies, the cookies that are categorized as necessary are stored on your browser as they are essential for the working of basic functionalities of the website. We also use third-party cookies that help us analyze and understand how you use this website. These cookies will be stored in your browser only with your consent. You also have the option to opt-out of these cookies. But opting out of some of these cookies may have an effect on your browsing experience.
Necessary cookies are absolutely essential for the website to function properly. This category only includes cookies that ensures basic functionalities and security features of the website. These cookies do not store any personal information.
Any cookies that may not be particularly necessary for the website to function and is used specifically to collect user personal data via analytics, ads, other embedded contents are termed as non-necessary cookies. It is mandatory to procure user consent prior to running these cookies on your website.
Nyhende- og debattavisa for unge
