Opptakstala: Historisk mange fekk fyrstevalet

Meir enn 60 prosent av søkarar som fekk studieplass kom inn på fyrstevalet, skriv kunnskapsdepartementet i ei pressemelding.

– Dette er det nest høgaste antalet i historien som har kome inn på sitt fyrsteval, berre slått av fjoråret, seier direktør Sveinung Skule i Direktoratet for høgare utdanning og kompetanse (HK-dir).

Totalt har 117 099 søkjarar fått tilbod om studieplass. Det viser tala for studieplassar som kom i dag. Aldri før har det vore fleire studieplassar tilgjengeleg, og aldri før har fleire fått tilbod om studieplass.

86 prosent av kvalifiserte søkjarar får tilbod om studieplass. Det er økonomisk- administative fag kor flest søkjarar har fått tilbod, etterfulgt av helsefag.

Medisin har høgast snitt

På ordinær kvote har medisin i Universitetet i Oslo (UiO) den høgaste poenggrensa, med 69 poeng. Tett bak er medisin på NTNU og psykologi på UiO, som begge har 68.2.

Totalt har 8 prosent fleire fått tilbod om studieplass på medisin i heile landet.

– Regjeringa har over år satsa målretta på å utdanne fleire leger i Noreg. Vi har oppretta 255 fleire studieplassar i medisin sidan vi tiltrådte i 2021. Det er viktig for framtidas helsetenester i heile Noreg, seier høgare utdanningsminister Sigrun Aasland (Ap).

For fyrstegongsvitnemål er det Industriell økonomi og teknologileiing på NTNU som igjen har høgast poenggrense, i år med 61.2. Det er berre nokre få poeng bak den maksimale summen på 64 poeng.

På NTNU er ein av tre av fyrstegongssøkarar kvinner, medan på medisin i Oslo er ein av fire blant ordinære søkarar menn. På NTNU Ålesund er heile 83,3 prosent av fyrstegonssøkjarane til medisin kvinner.

Vil du sjå kva andre studium har høge poenggrensar? Sjå listene nedst i saka

Auke i barnehagelærarar

– Det er gledeleg at utviklinga snur for barnelærerutdanninga, seier kunnskapsminister Kari Nessa Nordtun (Ap).

2301 søkjarar har nemleg fått studieplass på barnehagelærerutdanninga. Det er ei auke på 11 prosent frå i fjor, etter fleire år med nedgang.

Ein stor prosent av fyrstegongssøkjarane her var kvinner, opp mot 100% på nokre studium.

Fleire lektorar og grunnskolelærarar

Lektorutdanninga går òg opp med 11 prosent, og hadde i år 1641 søkjarar.

Det er framleis mange som har fått tilbod på grunnskulelærarutdanning. I fjor fekk rekordmange 3982 studieplass, og i år fekk 3936 plass.

– Vi har jobba målretta for å styrke rekrutteringa til lærerutdanningane. Vi treng gode lærarar for å byggje eit godt samfunn, så det er gledeleg at også lærartala har stabilisert seg på eit høgt nivå, seier Aasland.