Auka bruk av nikotin blant norske ungdommar
Bruken av snus og e-sigarettar blant norske ungdommar har auka dei siste fem åra.
Det viser ei ny undersøking frå Folkehelseinstituttet (FHI). Fleire norske ungdommar nyttar snus og e-sigarettar i 2024 enn i 2019.
– Andelen 15–16 åringar som har nytta e-sigarettar siste 30 dagar, auka frå 11 til 20 prosent, medan regelmessig snusbruk har stige frå 12 til 14 prosent, fortel Tord Finne Vedøy, seniorforskar ved FHI.
Auken i e-sigarettbruk er spesielt tydleg blant jenter, og mange ungdommar opplever at det er enkelt å få tak i nikotinprodukt.
Heile 80 prosent meiner det er lett å skaffa seg snus eller e-sigarettar, trass aldersgrensa på 18 år.
Samanlikna med andre europeiske land er likevel Noreg blant landa med lågast andel ungdom som oppgir dagleg bruk av sigarettar og e-sigarettar.
